واحسرتاإه ياكتبنا المدرسية !!

 

واحسرتاه يا كتبنا المدرسية ..

اليوم حسيت قلبي يتقطع قلما شفت المنظر قدامي ، ماقدرت أقفل فمي ولا أرمش من الصدمة !
كنت في محل عشان اشتري كاسة مويه زجاج << نفسية
حطيت الكاسة عند المحاسب وطلعت المحفظة وأنا اطلع الفلوس إلا ورقة يسحبها المحاسب عشان يغلف فيها الكاسة لاتنكسر
طبعا انا كنت بقوله ورقتين لو سمحت يعني مشوار قدامي وهذه الكاسة الثانيه اللي اشتريها مابغاها تنكسر لكن ماقدرت أقوله لما شفت الورقة
كنت احسب كالعاده جريده قديمه او اي ورق غير أنه يكون ورق كتاب رياضيات !!
وقفت ساعة اطالع في الورقة لما اخذها المحاسب ولف فيها الكاسه وحطها في الكيس .. تنحت ماتوقعت أن الكتب اللي كنت أدرسها لها عدة استخدامات وأهمها تسير مجرد أداة للتغليف !!
طبعا بعد ما المحاسب قالي مدام انتبهت << مدام في عينك مآخذ الكتب تغلف فيها ولك وجه تقول مدام
طنشته ودفعت الحساب ومشيت
لكن السؤال الذي يطرح هنا .. كيف وصلت كتب المدرسه للمحل ؟ يعني للدرجه هذه ماعرفوا يعيدوا تصنيع الورق راحوا وزعوها في المحل
تذكرت وقتها خبر في جريده اليوم عن أن الهيئة وجدت مصاحف أو كتب مدرسية مرمية بطريقه مهمل في أحد الحفر مادري هو حفرة أو ايش المهم مكان مقيت
وبرضو مرّ عليّ بنت من زميلاتي لما شفت كتابها مرمي وقلت لها ماتبغيه قالت : ” ياشبخه تخرجنا ايش ابغى فيه “
بيني وبينكم نفس الشيء بعمله بس ماحب أمسك معاي كتب كويس الشنطه شلتها على كتفي فدائما كتبي تظل في البيت
وأهم شيء لما تذكرت منظر الكلية وقت الامتحانات وكيف ان أنيسه our housemade
كانت مذهوله لما شافت الورق في الأرض والكتب كأنها مو هي اللي تعبت في الورق وطبعتهم ونهايتها مرمية في الأرض
كانت الحرمه بتلم الورق لو اني ماوقفتها كان امداها تنظف الكليه
لكن فعلا كانت الكلية منظرها مو طبيعي مع كمية الورق الموجوده

أنا ما عرف ألوم الطالب على عدم تقديره لهذه الكتب ؟ أو بتفريطه بها .. لكن الشخص إذا ما أحب الشيء مستحيل يهتم فيه
أو ألوم الأساتذه لعدم التوعية لكن هذا شيء مستحيل أعمله لأني دائما أسمع الأستاذات في المدراس يطلبوا من البنات رفع الورق أو رميه في حاويات خاصه بالاوراق

عموما الله يهدي الجميع واتمنى أي واحد يكون عنده كتاب مايبغاه إما يرجعه لنفس المدرسه او لحاويات الورق أو يعطيها لأحد يستفيد منه أو حتى يركنها في اي دولاب عنده لحد مايلاقي لها حل ولا انها تنرمي بالطريقه هذه = (